UCBMEDIA … Ullormut oqaaseq ... Grønlandsk GL Dansk DK Norsk NO Svensk SE

2018-01-11Læs et Ord til Dagen i dag (2018-01-23)2018-01-13
Ord for 2018-01-12
januarip 12-at
Illiussutsit tamaat Guutimut tunniuguk
ÒTaanna sapinngitsoqÉ qinnutigisagut akimungaarlugitÉ" Ef 3,20
Imarisinnaasat assavit ipaanik annerunngippat, imarsuarmiillutillu, imaannaavimmut pisinnaavutit, sapiissuseqannginnavilli qaqitsiffigisinnaanngilat. Immersinnaasat qattaappat, taava assavit ipaanit annerusumik pissaatit, qattarli ukikkaarpat immap tuneqqissinnaanngilaatit. Nappartaateqaruit qattamiit annertunerusunik pissarsissaatit, nappartarli ulikkaarpat, immap tunniussinnaasaniit annikitsuinnannguaannarmik iluanaarutigissavat. Guuti immersakkamik annerpaamik periarfississagit pineqarpoq. Illiussutsit tamaat tunniuguk, illit inuuninni kissaatigisani piviusunngortinniassammagit. Qanorluunniillu iluatsitsisuutigigaluaruit,
Guutip ilinni ilikkullu kissaatigisai tamakkiisumik suli pinngilatit. Paulusi ima oqarpoq: " Taanna pissaanini uatsinni sunniisoq atorlugu qinnutigisagut paasisinnaasavullu akimungaarlugit iliorsinnaasoq, taanna naalannartitaali ilagiinni Kristusi-Jiisusimilu kinguaariissoqatigiinni tamani naassaanngilluinnartumik! Amen". Inuunerit Kristusimut tunniukkukku, Anersaaq Illernartoq ilinni najugaqalissaaq. Isumaqarporlu massakkumut inuunerit iluatsinngitsoorsimappat illuatungaanut saatsissavaa iluatsitsisunngortillutit. Inuunerillu iluatsitsiffiusimappat, suli iluatsitsinermut qaffasinnerusumut pitissavaa. Taamaammat qinnut una ullaat tamaasa qinnutigisassavat: "Naalagaq ullumikkut tamarma ilinnut atoqquvunga; piumasat pitinniarlugu uakkut suligit". Qinnut, Guutip akerusutaa.
Biiblimi atuagassiat: Tuss 12; Matt 12; 1. Mos 23-24

Nipaallisimaarnerit nukissaqalersitsisarput

Bestil den trykte udgave af et “Ord til Dagen”. word@UCB.dk
UCB MEDIA, Box 92, 2770 Kastrup.
tlf. 32 340 112