UCBMEDIA ... Ullormut oqaaseq ... Grønlandsk GL Dansk DK Norsk NO Svensk SE

2018-06-11Læs et Ord til Dagen i dag (2018-06-19)2018-06-13
Ord for 2018-06-12
Marlunngorneq junip 12-at
Ajugaanissamut imminut piumaffigisarit
"... annikilliornerup nikallujuinneq pilersittaraa, nikallujuissutsip aalajaatsunngorneq, aalajaatsuunerullu neriugisaqarneq". Rom 5,3-4
Michael Phelps-i Beijing-imi OL-mi 2008-mi nunaminut kuultinnappoq, ujaminnaataamilu amerlassusaatigut rekordiliivoq - kuultit arfineq-pingasut. Angutip 200 miiterimut nalunnermi suut tamarmik imminut sakkortuumik aporfissaqartitsineranni, ajugaaffigineqarsinnaanngitsumik anersaaqarluni ajugaarusussuseqarluni akersuunnera eqqaamaneqarnerussaaq, ujamittaavisa amersassusaannut naleqqiullugu. Naluttarfiup killinga ajugaalluni attormagu, kialuunniit naluaa, sumik atugaqarsimanersoq. Michaelip isarussat illersuutaasut peermagit, imeq kuuppoq, silarsuarmi tamarmi takuneqarsinnaasumi. Angut 200miiterimi nalussimavoq isigisaqanngingajalluni - misigisaq naluttartut tamarmik ersissutigisaat. Angutip nalunnermini tallimi aalaneri kisippai, naluttarfiullu naqqani ilisartaataasinnaasumik ilungersorluni maluginiaasarluni, naluttarfiullu sinaa kiisami attoramiuk, silaqassuseq tamaat atorlugu, olympiskimi mestarinngorpoq.
Phelps-ip paatsiveequsimaarnini, qasusuissutini piumassutsinilu annertusillugit atornerisigut ajugaavoq. Paulusi oqarpoq: "... aammattaarli usorsisimaarutigaavut annikilliortarnivut, annikilliornerup nikallujuinneq pilersittaraa, nikallujuissutsip aalajaatsunngorneq, aalajaatsuunerullu neriugisaqarneq". Neriunnerlu taanna kanngunartunngortinneqanngilaq...". (vers 3-5) Ajornarstorsiutinut pigaangatta, Guutip tupinnarluinnartumik iluaqutissatsinnik tunisarpaatigut! Qasusuissuseq: Pisut qanorluunniit ikkaluarpata siumut ingerlaannarneq, Taassumalu pisussaasusitsigut saammaannera nusullutigu. Aalajaassuseq: Namminerisamik innarligassaannginneq ilukkoortumeersoq. Neriunneq isumannaatsoq: Sunaluunniit piumasaqaatigigaluarpagu, ilorpiakkut qularutiginngiivillugu, naggataatigut iluatsikkumaartoq. Guutip uagutsinnut suluareqqusaata iluatsikkumaarnera qularutiginagu, pissutigalugu "taassuma neriunnerup kanngunarsassanngimmagu". suliap qaavatigut kusanartumik naammassissavaa. Suna takkutilernersoq ersarissumik takusinnaanngikkukku, taava imminut tamarpit tunniutiinnarit - anginiakkat siuninnguanniippoq!
Biibilimi atuagassiat: Uss 12; Gal 1; 1.Kunng 5-6

Nipaallisimaarnerit nukissaqalersitsisarput

Bestil den trykte udgave af et “Ord til Dagen”. word@UCB.dk
UCB MEDIA, Box 92, 2770 Kastrup.
tlf. 32 340 112