UCBMEDIA ... Ullormut oqaaseq ... Grønlandsk GL Dansk DK Norsk NO Svensk SE

2018-06-13Læs et Ord til Dagen i dag (2018-06-19)2018-06-15
Ord for 2018-06-14
Sisamanngorneq junip 14-at - Uummatikkut napparsimaneq (2)
"Qasusoq nakussatsittarpaa..." Es 40,29
Oqariartaatsit atortarpagut soorlu "Inuuneqarallartillugu neriunneqarpot", imlt. "Neriunneq, allunaasamut qileriarlugu tigulluaqqalluguluuvoq", taavalu suut tamarmik ajunnginnerulaamik ingerlassasut. neriunnerli ungasissutut ippat, piumaneqanngippalluunniit, inuit ilaat aniffigisinnaasaminnik aqqummik ujarlartarput. Imminut toqunneq kukkusuuaa? Aappi. Kukkusuuvoq, pissutigalugu Guuti mattuteqammagu. Imminussagaluaruit, Guuti ilinnut iliuuseqaqqissinnaanngilaq. Kukkuneruvoq, pissutigalugu qimataasut siunissamut uummatimikkut anigorneqarsinnaanngitsumik anniaatsissaannik kingornussiassarsitittarmatigit. Kristumiut aquttuisa kinguaariikkuutaani imminut toquttarneq oqallisigisarpaat, isumaqatigiissanatillu. Oqaatsinili ukunani ilumoortoq tamarmik upperivaat: "... Isumakuluuteqarnerup inuup uummataa artorsaatissittarpaa..." (Uss 12,25)
Qasusoornerup katsorsagaanngitsup, uummattaaq naqisimasimaneqartoq- imminut aserorsarneq pilersittarpaa. Nakorsaatinik ingasaassinikkut, aqerlumiilluunniit pineq ajorunarpoq; Nerivallaarnikkut, neriumananiluunniit aalajangernikkut, ikiorneqaarnerugaluarluunniit iluaqutaasimannginnera pissutigalugu ikiortissamik noqqaaqqikkusunnginnikkut takkussinnaavoq. Naggatigisassaa assigiippoq. Arnat, angutinut naleqqiullutik qasusoornermut navianartorsiornerusartut, inuiaqatigiinni peqqinnermut peqatigiippiup missiliorpaa. Ilaqutariit isertitakinnerusut anniaatinut taamaatunut katsorsarneqartarnerat appasinneruvoq, akissaqannginnerannut patsiseqartumik. Biibili aniuiffiusinnaasumik peqarpaa? Aaapi. "Qasusoq nakussatsittarpaa, nukillaarsimasoq pissatsittarpaa. Nukappiaqqat qasulersaraluarput nukillaalersalutillu, angutit inuusuttut nakkartarput orlusarlutillu. Kisianni Naalakkamut neriuffiginnittu nutaanik nukinissapput, sulunissapput nattoralittut. Arpassapput qanunatik, ingerlassapput nukillaarnatik.(Es 40,29-31)
Biibilimi atuagassiat: Uss 14; Gal 3; 1. Kunng 9-10

Nipaallisimaarnerit nukissaqalersitsisarput

Bestil den trykte udgave af et “Ord til Dagen”. word@UCB.dk
UCB MEDIA, Box 92, 2770 Kastrup.
tlf. 32 340 112