UCBMEDIA ... Ullormut oqaaseq ... GrÝnlandsk GL Dansk DK Norsk NO Svensk SE

2018-07-11Læs et Ord til Dagen i dag (2018-07-22)2018-07-13
Ord for 2018-07-12
Sapaat julep 12-at
Peqqissumik eqqarsartaaseqarputit (2)
“… Guutimmi anersaamik qunutuumik tunisimanngilaatigut, tunisimavaatigulli anersaamik nakuussuseqartumik asannissuseqartumillu silatussuseqartumillu”. 2. Tim 1,7 v Immkk. 2: Guutip pillutit oqaasii, nipituumik oqaatigisalikkit. Oqaatsit, ingammik Guutip oqaaserippagit isumaqarput! Eqaannut misissoriarit: kikkulluunniit pinngortitaasut oqaasioqqaarsimapput, eqqarsaataasimasut, Guutimiillu oqaatigineqarsimasut. Guuti oqarpoq: ”Imaattuussaaq…” Imalu pisoqarpoq…” (1.Mos 1,14-16) Oqaasii pissaaneranik, kinaaneranillu imaqarput. Taamaammat upperuit, Guutillu oqaasii oqaatigigukkit, pissaaneranut angingaartumut attavilissavaatsit. Sooruna Guutip oqaasii eqqarsaatigiinnarnagit oqaatigisariaqartut? Pissutigalugu, nammineerluni Guutip oqaasiinik oqarneq annertuumik nukissaliisarmat. Aappaattut, oqaatigeriikkat eqqaamanartarmata. Pingajuattut, akeqqap tusaammatit. Inoqajuitsumi Satanip Jiisusi usserniaraluarlugu misilimmagu, Jiisusip Guutip oqaasiinik oqarfigaa, Satanilu qimaavoq. (takuuk Matt 4,11)
Immkk. 3: Guutip oqaasiatulli iliuuseqarit. Guutip peqqissumik isumaliortaammik tunisimagaatit, ajunngitsumik peqqissumillu isumaliortarnissannik isumaqarpoq. Upperivikkukkumi taava qanoq iliussavit, massakkut iliuuserineq ajukkannik? Qanoq annertutigisumik, uppernikkut annertuumik alloriarusutsigivit? Guutip ”asanninnaanermik” tuninikuuaatit. Qanutut asanninnerit Guutimut allanullu takutissinnaaviuk ilumoortumik upperigukku? Oqaluffimmut tunissuteqassaviit? Ilinnik annersitsisimasoq isumakkeerfigissaviuuk? Imminuinnaq eqqarsaatigiunnaarlutit allat kiffartorfigilissavigiit?
Guutip oqaasii malikkaanni iliuutsinik allamik uppernermik nakussatitsissuteqanngilaq. Imminut isigeriaatsit taakkua alloriaatigalugit takutitsiguit, allanngussaaq.
Biibilimi atuagassiat: Tuss 11; Matt 11; Joel 1-3

Nipaallisimaarnerit nukissaqalersitsisarput

Bestil den trykte udgave af et “Ord til Dagen”. word@UCB.dk
UCB MEDIA, Box 92, 2770 Kastrup.
tlf. 32 340 112