UCBMEDIA ... Ullormut oqaaseq ... GrÝnlandsk GL Dansk DK Norsk NO Svensk SE

2018-07-13Læs et Ord til Dagen i dag (2018-07-22)2018-07-15
Ord for 2018-07-14
Marlunngorneq julip 14
at Kia kina siunnersugaraa?
”… Qanoq iliornermini tamani iluatitsisarpoq…” Tuss 1,3
Biibilimi tussiaatini siullermi inuit kukkusuusut ilagalugit, kukkusunik siunnersugaasinnaaneq, kukkusunillu tusarnaarnerit pisinnaasut oqaluttuaraa. ”Pilluarpoq iluaatsut siunnersuutaat malillugit inuunngitsoq, ajortuliortut aqqutaatiguunngitsoq, mitaatilliisullu akornannut ingiffissinngitsoq, Naakallalli inatsisaanik nuannarisaqartoq inatsisaanillu eqqarsaatiginnittoq ullukkut, unnuakkullu. Taassuma assigaa orpik kuunnguup killingani ikkunneqarsimasoq; inerititaqarfissamigut inerititaqartartoq; pilutaalu toquliunngisaannarput. Qanoq iliornermini tamani iluatitsisarpoq! (vers 1-3) Oqaatsimi ”iluatitsisarnerup” tunngavigigai, aalajaassuseq, pisuunnguallanneq, pilersitsisinnaaneq, nakuussuseq, piujuartitsineq iluatitsisuunerlu. Taamaammat eqqarsaatigilluarlugillu qinnutigikkit ikinngutivit kikkuunissaat, tassami illit nammineq taannaavutit imminut nakkartissinnaasoq, qaffatsisinaasorluunniit. Siunnersuisartut tamaaviisa misissoqqaakkit, inuunerit pillugu oqalulinnginninni. Qulakkeeruk inuit taakkua:
1) ilumoortuusut:
2) uppertuusut;
3) inuusut sunniisinnaassuseqartut;
4) inuusut piginnaassuseqarluartuusut;
5) inuit isumassarsilluartartuusut;
6) inuit anginiakkannik anguniagallit;
7) inuit tatiginartuusut.
Inuit taamaattuusut qinerukkit, taava qaaqqusaassutsivit iluatsinnissaanut imminut periarfississaatit. Pissarsiatit ilumut Guutimeersuunersut qulakkiikkit. Nammineq siutinnik oqaaseq tusassavat: ”Aana aqqut, taanna malissavarsi!” talerpimmummi, saamimmullu ingerlarusuppusi”. (Es 30,21)
Anguniagarisatit, pilersaarutitillu ilumut Guutip piumasarinerai qulakkiikkit. Taamaanngippat silarsuarmi siunnersuisartut pitsaanerpaalluunniit minnerpaannguamik ikiuinermikkut iluatitsisinnavianngilaatsit.
Biibilimi atuagassiat: Tuss 13; Matt 13; 2. Kunng 11-12

Nipaallisimaarnerit nukissaqalersitsisarput

Bestil den trykte udgave af et “Ord til Dagen”. word@UCB.dk
UCB MEDIA, Box 92, 2770 Kastrup.
tlf. 32 340 112