UCBMEDIA … Ullormut oqaaseq ... Grønlandsk GL Dansk DK Norsk NO Svensk SE

2017-12-06Læs et Ord til Dagen i dag (2017-12-15)2017-12-08
Ord for 2017-12-07
decembarip 7-at
Meeqqamut ataataqanngitsumut ilitsersuisunngorit
“…­ ataataqanngitsoq naapertuilluarnermik pineqartiguk…" Es 1,17
Jean Lush-ip atuakkiamini Mødre og Sønner-imi (Anaanaq, Ernerillu) anaanatut kisimiittutut ernernut perorsaaneq unammillernartoq eqqartorpaa. Sisamanik arfinilinnillu ukioqarneq immikkuullarissutut pingaaruteqarpoq ajornakusoortuullunilu. Nukappiaqqap taamatut ukiullip anaanani suli asavaa, taamaakkaluartorli angutaassutsini naqissuserusuttarpaa. Angerlarsimaffimminni ataataqaruni, niviarsiaqqat qatanngutini anaananilu ilaginagit, piffissaq ataatani ilagalugu atorusuttarpaa. Anaanamullu kisimiilluni ernilimmut perorsaasumut sunik siunnersuisoqarsinnaava? Siullermik paasisariaqarpaa, nukappiaraq pisariaqartitsisoq nammineq iliuuseqarfigisinnaanngisaminik. Angummik ernerminut maligassiuisussamik nassaarnissaminik pitsaanerpaamik periarfissaraa. Soorunalumi ilitsersuisut iluartut nassaarissallugit ajornakusoortuuvoq. Anaanat kisimiittut ikinngutitik, ilaquttatik, eqqaamiutillu qaammammut nal. ak. marlunni, atortarsinnaanerinut qinnuigissallugit eqqarsaatigisariaqaraluarpaat. Anaanat kisimiittuusut ernillit ilagiinni ilaasortaasut, angutinik ilagiinneersunik ikiortissaqarsinnaassapput. Allakkat, inunnut uppertunut meeqqanik ataataqanngitsunik paaqqutarinninnissaannik kaammattuivoq: "… ataataqanngitsoq naapertuilluartumik pineqartissiuk, uillarneq eqqartuussivimmi illersorsiuk!". Jiisusip niviarsiaqqat nukappiaqqallu sarlissiullugit oqarpoq: "… meeqqamik taamaattumik uanga atikkut ilassinnittup, ilassivaanga." (Matt 18,5)
Angutaaguit Guutilu qinnuigisimallugu tassunga atoqqullutit, taava taamaasiorneq ajunngitsumik kiffartorsinnaanissannut periarfissatsialaavoq. Eqqarsaatigeriaruk, nukappiarannguup imarisaa, Guutip sanarfillugu angutitut pigiligassaanut ikiuussinnaanerit, Guutip iluartumik anguniagaanut tupinnaannartumik periarfissaasoq. Assaa iluarinartoq!
Biiblimi atuagassiat: Uss 8; Saqq 14; Neh 8-9

Nipaallisimaarnerit nukissaqalersitsisarput

Bestil den trykte udgave af et “Ord til Dagen”. word@UCB.dk
UCB MEDIA, Box 92, 2770 Kastrup.
tlf. 32 340 112