UCBMEDIA ... Ullormut oqaaseq ... Gr�nlandsk GL Dansk DK Norsk NO Svensk SE

Ord for 2022-09-27
septembarip 27-at
Guutip Oqaasiinut mamamik ineriartortitsineq
"Oqaatsitit qilaannut ipput tungusunnitsutut, tungusunnitsuummit tungusunninnerullutik qaninni". Tuss 119,103
Meeeraagallaratta naatitat ajukkagut, maanna mamarisagut ineriartornerput ilutigalugu nerisassat peqqinnartumik inuunermik tunisisuutut mamanik ineriartortitsisut malunnaateqartuusut, ilumoorpoq. Aamma Biibili tarnimut nerisassaammat, taassuma mamaa ineriartortissinnaavarputtaaq.
Eugene Peterson allappoq: Uppertut Allakkanik inuussuteqartuupput. Allakkat illernartut inuiaqatigiinni illernartut nerisassanik tunisarpai, soorlu timi nerisassanik tunineqartarneratullu. Kristumiut Allakkaa atuinnarneq ilinniaannarnagulu misissortarpaat; milluartarparput, inuunitsinnut isertillugu... asannittumik iliuuseqartalersilluta". Atuisunut misissuinerup takutippaa, agguaqatigiisillugu Biibiliutillit qulingiluanik Biibiliuteqartut allanillu qinerlertut. Akikitsut suna ajoqutigaat? Kialuunniit nipituumik oqaatiginngisaa, tassa, inuit amerlasuut, Biibili soqutiginanngitsutut isumaqarfigaat. Ajornartorsiut taanna nutaajusorujussuuvoq - ilungersunartuullunilu. Testamentitaami Nutaami oqaatsit grækeritoqqasut oqaatsimik soqutiginanngitsumik peqanngilaq. Oqaaseq aatsaat tuluttut massakkut isummamisortoq ukiuni uuntritilinni kingunnermi pigineqalerpoq. Silarsuaq qangarnitsamut qiviarutsigu - interneteqarani, tv-qarani, filmeqarani tamaat isigalugu atuagaqarani - qanoq imaqanngitsisimisammanersoq qularnanngitsumik eqqarsarsimassaagut. Inuilli qangarnitsat susassaaleqineq ajorput. Uagununa nalitsinni kinguaariikkuutaat susassaaleqisartut, tassami pikkoriffipput malinnaaffigalugu aalluttaratsigu, eqqarsaatinilu itisuuneerussaarneq isummatta nuannarisartagaa, killilersorneqalernikuuvoq avatitsinniit pisunut pinngitsuuisinnaajunnaarneq pissutaalluni. Ussernartorpasuuarnik assigiinngitsunik amerlavallaanik peqarpugut.
Tunngaviit ilaat, Biibilimik aalajaalluni atuartalerneq, ileqqorissaartutut aallartittarpoq, malitsigisarlugu pisussaaffittut misigisimaneq, taavalu naggataatigut nuannarilertarlutigu. "Oqaatsitit qilaannut ipput tungusunnitsutut, tungusunnitsuummit tungusunninnerullutik qaninni". Guutip Oqaasiingik atuarneq pineqartillugu, aamma illit misigisarilersinnaavat. Taamaaliornissannut aalajangiinnassaatit.
Biibilimi atuagassia: Tuss 88; Luk 9; Jer 23-24

Nipaallisimaarnerit nukissaqalersitsisarput

Bestil den trykte udgave af et “Ord til Dagen”. word@UCB.dk
UCB MEDIA, Box 92, 2770 Kastrup.
tlf. 32 340 112